รามายณะ

รามายณะ เป็นวรรณคดีขนาดใหญ่ เชื่อว่าเป็นนิทานที่เล่าสืบต่อกันมายาวนาน
ในหลากหลายพื้นที่ของชมพูทวีป แต่ผู้ได้รวบรวมแต่งให้เป็นระเบียบครั้งแรกคือฤๅษีวาลมีกิ
เมื่อกว่า 2,400 ปีมาแล้ว ที่มีอิทธิพลอย่างมากในเอเชียตะวันออกเฉียงใต้
เรื่องราวเกี่ยวกับการทำศึกสงครามระหว่างฝ่าย พระราม กับ ฝ่าย ทศกัณฐ์ (ยักษ์)
โดยพระรามจะมาชิงตัว นางสีดา (มเหสีของพระราม) ซึ่งถูกทศกัณฑ์ลักพาตัวมา
( ตัวอย่างปริวรรต แสดงเฉพาะ พาลกาณฑ์ สรรคะ ที่ ๑-๓)

เลือกชนิดตัวอักษรที่จะทำการเปรียบเทียบ

คลิกที่คำจะทำเครื่องหมายเน้นสี เพื่อทำการเปรียบเทียบ


       

เทวนาครี

  1. || वाल्मीकि रामायण - बालकाण्ड ||
  2. || सर्ग ||
  3. १
  4. तपःस्वाध्यायनिरतं तपस्वी वाग्विदां वरम् |
  5. नारदं परिपप्रच्छ वाल्मीकिर्मुनिपुङ्गवम् || १||
  6. को न्वस्मिन्साम्प्रतं लोके गुणवान्कश्च वीर्यवान् |
  7. धर्मज्ञश्च कृतज्ञश्च सत्यवाक्यो दृढव्रतः || २||
  8. चारित्रेण च को युक्तः सर्वभूतेषु को हितः |
  9. विद्वान्कः कः समर्थश्च कश्चैकप्रियदर्शनः || ३||
  10. आत्मवान्को जितक्रोधो मतिमान्कोऽनसूयकः |
  11. कस्य बिभ्यति देवाश्च जातरोषस्य संयुगे || ४||
  12. एतदिच्छाम्यहं श्रोतुं परं कौतूहलं हि मे |
  13. महर्षे त्वं समर्थोऽसि ज्ञातुमेवंविधं नरम् || ५||
  14. श्रुत्वा चैतत्त्रिलोकज्ञो वाल्मीकेर्नारदो वचः |
  15. श्रूयतामिति चामन्त्र्य प्रहृष्टो वाक्यमब्रवीत् || ६||
  16. बहवो दुर्लभाश्चैव ये त्वया कीर्तिता गुणाः |
  17. मुने वक्ष्याम्यहं बुद्ध्वा तैर्युक्तः श्रूयतां नरः || ७||
  18. इक्ष्वाकुवंशप्रभवो रामो नाम जनैः श्रुतः |
  19. नियतात्मा महावीर्यो द्युतिमान्धृतिमान्वशी || ८||
  20. बुद्धिमान्नीतिमान्वाग्मी श्रीमाञ्शत्रुनिबर्हणः |
  21. विपुलांसो महाबाहुः कम्बुग्रीवो महाहनुः || ९||
  22. महोरस्को महेष्वासो गूढजत्रुररिन्दमः |
  23. आजानुबाहुः सुशिराः सुललाटः सुविक्रमः || १०||
  24. समः समविभक्ताङ्गः स्निग्धवर्णः प्रतापवान् |
  25. पीनवक्षा विशालाक्षो लक्ष्मीवाञ्शुभलक्षणः || ११||
  26. धर्मज्ञः सत्यसन्धश्च प्रजानां च हिते रतः |
  27. यशस्वी ज्ञानसम्पन्नः शुचिर्वश्यः समाधिमान् || १२||
  28. रक्षिता जीवलोकस्य धर्मस्य परिरक्षिता |
  29. वेदवेदाङ्गतत्त्वज्ञो धनुर्वेदे च निष्ठितः || १३||
  30. सर्वशास्त्रार्थतत्त्वज्ञो स्मृतिमान्प्रतिभानवान् |
  31. सर्वलोकप्रियः साधुरदीनात्मा विचक्षणः || १४||
  32. सर्वदाभिगतः सद्भिः समुद्र इव सिन्धुभिः |
  33. आर्यः सर्वसमश्चैव सदैकप्रियदर्शनः || १५||
  34. स च सर्वगुणोपेतः कौसल्यानन्दवर्धनः |
  35. समुद्र इव गाम्भीर्ये धैर्येण हिमवानिव || १६||
  36. विष्णुना सदृशो वीर्ये सोमवत्प्रियदर्शनः |
  37. कालाग्निसदृशः क्रोधे क्षमया पृथिवीसमः || १७||
  38. धनदेन समस्त्यागे सत्ये धर्म इवापरः |
  39. तमेवङ्गुणसम्पन्नं रामं सत्यपराक्रमम् || १८||
  40. ज्येष्ठं श्रेष्ठगुणैर्युक्तं प्रियं दशरथः सुतम् |
  41. यौवराज्येन संयोक्तुमैच्छत्प्रीत्या महीपतिः || १९||
  42. तस्याभिषेकसम्भारान्दृष्ट्वा भार्याथ कैकयी |
  43. पूर्वं दत्तवरा देवी वरमेनमयाचत |
  44. विवासनं च रामस्य भरतस्याभिषेचनम् || २०||
  45. स सत्यवचनाद्राजा धर्मपाशेन संयतः |
  46. विवासयामास सुतं रामं दशरथः प्रियम् || २१||
  47. स जगाम वनं वीरः प्रतिज्ञामनुपालयन् |
  48. पितुर्वचननिर्देशात्कैकेय्याः प्रियकारणात् || २२||
  49. तं व्रजन्तं प्रियो भ्राता लक्ष्मणोऽनुजगाम ह |
  50. स्नेहाद्विनयसम्पन्नः सुमित्रानन्दवर्धनः || २३||
  51. सर्वलक्षणसम्पन्ना नारीणामुत्तमा वधूः |
  52. सीताप्यनुगता रामं शशिनं रोहिणी यथा || २४||
  53. पौरैरनुगतो दूरं पित्रा दशरथेन च |
  54. शृङ्गवेरपुरे सूतं गङ्गाकूले व्यसर्जयत् || २५||
  55. ते वनेन वनं गत्वा नदीस्तीर्त्वा बहूदकाः |
  56. चित्रकूटमनुप्राप्य भरद्वाजस्य शासनात् || २६||
  57. रम्यमावसथं कृत्वा रममाणा वने त्रयः |
  58. देवगन्धर्वसङ्काशास्तत्र ते न्यवसन्सुखम् || २७||
  59. चित्रकूटं गते रामे पुत्रशोकातुरस्तदा |
  60. राजा दशरथः स्वर्गं जगाम विलपन्सुतम् || २८||
  61. मृते तु तस्मिन्भरतो वसिष्ठप्रमुखैर्द्विजैः |
  62. नियुज्यमानो राज्याय नैच्छद्राज्यं महाबलः |
  63. स जगाम वनं वीरो रामपादप्रसादकः || २९||
  64. पादुके चास्य राज्याय न्यासं दत्त्वा पुनः पुनः |
  65. निवर्तयामास ततो भरतं भरताग्रजः || ३०||
  66. स काममनवाप्यैव रामपादावुपस्पृशन् |
  67. नन्दिग्रामेऽकरोद्राज्यं रामागमनकाङ्क्षया || ३१||
  68. रामस्तु पुनरालक्ष्य नागरस्य जनस्य च |
  69. तत्रागमनमेकाग्रे दण्डकान्प्रविवेश ह || ३२||
  70. विराधं राक्षसं हत्वा शरभङ्गं ददर्श ह |
  71. सुतीक्ष्णं चाप्यगस्त्यं च अगस्त्य भ्रातरं तथा || ३३||
  72. अगस्त्यवचनाच्चैव जग्राहैन्द्रं शरासनम् |
  73. खड्गं च परमप्रीतस्तूणी चाक्षयसायकौ || ३४||
  74. वसतस्तस्य रामस्य वने वनचरैः सह |
  75. ऋषयोऽभ्यागमन्सर्वे वधायासुररक्षसाम् || ३५||
  76. तेन तत्रैव वसता जनस्थाननिवासिनी |
  77. विरूपिता शूर्पणखा राक्षसी कामरूपिणी || ३६||
  78. ततः शूर्पणखावाक्यादुद्युक्तान्सर्वराक्षसान् |
  79. खरं त्रिशिरसं चैव दूषणं चैव राक्षसं || ३७||
  80. निजघान रणे रामस्तेषां चैव पदानुगान् |
  81. रक्षसां निहतान्यासन्सहस्राणि चतुर्दश || ३८||
  82. ततो ज्ञातिवधं श्रुत्वा रावणः क्रोधमूर्छितः |
  83. सहायं वरयामास मारीचं नाम राक्षसं || ३९||
  84. वार्यमाणः सुबहुशो मारीचेन स रावणः |
  85. न विरोधो बलवता क्षमो रावण तेन ते || ४०||
  86. अनादृत्य तु तद्वाक्यं रावणः कालचोदितः |
  87. जगाम सहमरीचस्तस्याश्रमपदं तदा || ४१||
  88. तेन मायाविना दूरमपवाह्य नृपात्मजौ |
  89. जहार भार्यां रामस्य गृध्रं हत्वा जटायुषम् || ४२||
  90. गृध्रं च निहतं दृष्ट्वा हृतां श्रुत्वा च मैथिलीम् |
  91. राघवः शोकसन्तप्तो विललापाकुलेन्द्रियः || ४३||
  92. ततस्तेनैव शोकेन गृध्रं दग्ध्वा जटायुषम् |
  93. मार्गमाणो वने सीतां राक्षसं सन्ददर्श ह || ४४||
  94. कबन्धं नाम रूपेण विकृतं घोरदर्शनम् |
  95. तं निहत्य महाबाहुर्ददाह स्वर्गतश्च सः || ४५||
  96. स चास्य कथयामास शबरीं धर्मचारिणीम् |
  97. श्रमणीं धर्मनिपुणामभिगच्छेति राघव |
  98. सोऽभ्यगच्छन्महातेजाः शबरीं शत्रुसूदनः || ४६||
  99. शबर्या पूजितः सम्यग्रामो दशरथात्मजः |
  100. पम्पातीरे हनुमता सङ्गतो वानरेण ह || ४७||
  101. हनुमद्वचनाच्चैव सुग्रीवेण समागतः |
  102. सुग्रीवाय च तत्सर्वं शंसद्रामो महाबलः || ४८||
  103. ततो वानरराजेन वैरानुकथनं प्रति |
  104. रामायावेदितं सर्वं प्रणयाद्दुःखितेन च |
  105. वालिनश्च बलं तत्र कथयामास वानरः || ४९||
  106. प्रतिज्ञातं च रामेण तदा वालिवधं प्रति |
  107. सुग्रीवः शङ्कितश्चासीन्नित्यं वीर्येण राघवे || ५०||
  108. राघवः प्रत्ययार्थं तु दुन्दुभेः कायमुत्तमम् |
  109. पादाङ्गुष्ठेन चिक्षेप सम्पूर्णं दशयोजनम् || ५१||
  110. बिभेद च पुनः सालान्सप्तैकेन महेषुणा |
  111. गिरिं रसातलं चैव जनयन्प्रत्ययं तदा || ५२||
  112. ततः प्रीतमनास्तेन विश्वस्तः स महाकपिः |
  113. किष्किन्धां रामसहितो जगाम च गुहां तदा || ५३||
  114. ततोऽगर्जद्धरिवरः सुग्रीवो हेमपिङ्गलः |
  115. तेन नादेन महता निर्जगाम हरीश्वरः || ५४||
  116. ततः सुग्रीववचनाद्धत्वा वालिनमाहवे |
  117. सुग्रीवमेव तद्राज्ये राघवः प्रत्यपादयत् || ५५||
  118. स च सर्वान्समानीय वानरान्वानरर्षभः |
  119. दिशः प्रस्थापयामास दिदृक्षुर्जनकात्मजाम् || ५६||
  120. ततो गृध्रस्य वचनात्सम्पातेर्हनुमान्बली |
  121. शतयोजनविस्तीर्णं पुप्लुवे लवणार्णवम् || ५७||
  122. तत्र लङ्कां समासाद्य पुरीं रावणपालिताम् |
  123. ददर्श सीतां ध्यायन्तीमशोकवनिकां गताम् || ५८||
  124. निवेदयित्वाभिज्ञानं प्रवृत्तिं च निवेद्य च |
  125. समाश्वास्य च वैदेहीं मर्दयामास तोरणम् || ५९||
  126. पञ्च सेनाग्रगान्हत्वा सप्त मन्त्रिसुतानपि |
  127. शूरमक्षं च निष्पिष्य ग्रहणं समुपागमत् || ६०||
  128. अस्त्रेणोन्मुहमात्मानं ज्ञात्वा पैतामहाद्वरात् |
  129. मर्षयन्राक्षसान्वीरो यन्त्रिणस्तान्यदृच्छया || ६१||
  130. ततो दग्ध्वा पुरीं लङ्कामृते सीतां च मैथिलीम् |
  131. रामाय प्रियमाख्यातुं पुनरायान्महाकपिः || ६२||
  132. सोऽभिगम्य महात्मानं कृत्वा रामं प्रदक्षिणम् |
  133. न्यवेदयदमेयात्मा दृष्टा सीतेति तत्त्वतः || ६३||
  134. ततः सुग्रीवसहितो गत्वा तीरं महोदधेः |
  135. समुद्रं क्षोभयामास शरैरादित्यसंनिभैः || ६४||
  136. दर्शयामास चात्मानं समुद्रः सरितां पतिः |
  137. समुद्रवचनाच्चैव नलं सेतुमकारयत् || ६५||
  138. तेन गत्वा पुरीं लङ्कां हत्वा रावणमाहवे |
  139. अभ्यषिञ्चत्स लङ्कायां राक्षसेन्द्रं विभीषणम् || ६६||
  140. कर्मणा तेन महता त्रैलोक्यं सचराचरम् |
  141. सदेवर्षिगणं तुष्टं राघवस्य महात्मनः || ६७||
  142. तथा परमसन्तुष्टैः पूजितः सर्वदैवतैः |
  143. कृतकृत्यस्तदा रामो विज्वरः प्रमुमोद ह || ६८||
  144. देवताभ्यो वरान्प्राप्य समुत्थाप्य च वानरान् |
  145. पुष्पकं तत्समारुह्य नन्दिग्रामं ययौ तदा || ६९||
  146. नन्दिग्रामे जटां हित्वा भ्रातृभिः सहितोऽनघः |
  147. रामः सीतामनुप्राप्य राज्यं पुनरवाप्तवान् || ७०||
  148. प्रहृष्टमुदितो लोकस्तुष्टः पुष्टः सुधार्मिकः |
  149. निरायमो अरोगश्च दुर्भिक्षभयवर्जितः || ७१||
  150. न पुत्रमरणं के चिद्द्रक्ष्यन्ति पुरुषाः क्व चित् |
  151. नार्यश्चाविधवा नित्यं भविष्यन्ति पतिव्रताः || ७२||
  152. न वातजं भयं किं चिन्नाप्सु मज्जन्ति जन्तवः |
  153. न चाग्रिजं भयं किं चिद्यथा कृतयुगे तथा || ७३||
  154. अश्वमेधशतैरिष्ट्वा तथा बहुसुवर्णकैः |
  155. गवां कोट्ययुतं दत्त्वा विद्वद्भ्यो विधिपूर्वकम् || ७४||
  156. राजवंशाञ्शतगुणान्स्थापयिष्यति राघवः |
  157. चातुर्वर्ण्यं च लोकेऽस्मिन्स्वे स्वे धर्मे नियोक्ष्यति || ७५||
  158. दशवर्षसहस्राणि दशवर्षशतानि च |
  159. रामो राज्यमुपासित्वा ब्रह्मलोकं गमिष्यति || ७६||
  160. इदं पवित्रं पापघ्नं पुण्यं वेदैश्च संमितम् |
  161. यः पठेद्रामचरितं सर्वपापैः प्रमुच्यते || ७७||
  162. एतदाख्यानमायुष्यं पठन्रामायणं नरः |
  163. सपुत्रपौत्रः सगणः प्रेत्य स्वर्गे महीयते || ७८||
  164. पठन्द्विजो वागृषभत्वमीयात्
  165. स्यात्क्षत्रियो भूमिपतित्वमीयात् |
  166. वणिग्जनः पण्यफलत्वमीयाज्
  167. जनश्च शूद्रोऽपि महत्त्वमीयात् || ७९||
  168. || वाल्मीकि रामायण - बालकाण्ड ||
  169. || सर्ग ||
  170. २
  171. नारदस्य तु तद्वाक्यं श्रुत्वा वाक्यविशारदः |
  172. पूजयामास धर्मात्मा सहशिष्यो महामुनिः || १||
  173. यथावत्पूजितस्तेन देवर्षिर्नारदस्तदा |
  174. आपृष्ट्वैवाभ्यनुज्ञातः स जगाम विहायसं || २||
  175. स मुहूतं गते तस्मिन्देवलोकं मुनिस्तदा |
  176. जगाम तमसातीरं जाह्नव्यास्त्वविदूरतः || ३||
  177. स तु तीरं समासाद्य तमसाया महामुनिः |
  178. शिष्यमाह स्थितं पार्श्वे दृष्ट्वा तीर्थमकर्दमम् || ४||
  179. अकर्दममिदं तीर्थं भरद्वाज निशामय |
  180. रमणीयं प्रसन्नाम्बु सन्मनुष्यमनो यथा || ५||
  181. न्यस्यतां कलशस्तात दीयतां वल्कलं मम |
  182. इदमेवावगाहिष्ये तमसातीर्थमुत्तमम् || ६||
  183. एवमुक्तो भरद्वाजो वाल्मीकेन महात्मना |
  184. प्रायच्छत मुनेस्तस्य वल्कलं नियतो गुरोः || ७||
  185. स शिष्यहस्तादादाय वल्कलं नियतेन्द्रियः |
  186. विचचार ह पश्यंस्तत्सर्वतो विपुलं वनम् || ८||
  187. तस्याभ्याशे तु मिथुनं चरन्तमनपायिनम् |
  188. ददर्श भगवांस्तत्र क्रौञ्चयोश्चारुनिःस्वनम् || ९||
  189. तस्मात्तु मिथुनादेकं पुमांसं पापनिश्चयः |
  190. जघान वैरनिलयो निषादस्तस्य पश्यतः || १०||
  191. तं शोणितपरीताङ्गं वेष्टमानं महीतले |
  192. भार्या तु निहतं दृष्ट्वा रुराव करुणां गिरम् || ११||
  193. तथा तु तं द्विजं दृष्ट्वा निषादेन निपातितम् |
  194. ऋषेर्धर्मात्मनस्तस्य कारुण्यं समपद्यत || १२||
  195. ततः करुणवेदित्वादधर्मोऽयमिति द्विजः |
  196. निशाम्य रुदतीं क्रौञ्चीमिदं वचनमब्रवीत् || १३||
  197. मा निषाद प्रतिष्ठां त्वमगमः शाश्वतीं समाः |
  198. यत्क्रौञ्चमिथुनादेकमवधीः काममोहितम् || १४||
  199. तस्यैवं ब्रुवतश्चिन्ता बभूव हृदि वीक्षतः |
  200. शोकार्तेनास्य शकुनेः किमिदं व्याहृतं मया || १५||
  201. चिन्तयन्स महाप्राज्ञश्चकार मतिमान्मतिम् |
  202. शिष्यं चैवाब्रवीद्वाक्यमिदं स मुनिपुङ्गवः || १६||
  203. पादबद्धोऽक्षरसमस्तन्त्रीलयसमन्वितः |
  204. शोकार्तस्य प्रवृत्तो मे श्लोको भवतु नान्यथा || १७||
  205. शिष्यस्तु तस्य ब्रुवतो मुनेर्वाक्यमनुत्तमम् |
  206. प्रतिजग्राह संहृष्टस्तस्य तुष्टोऽभवद्गुरुः || १८||
  207. सोऽभिषेकं ततः कृत्वा तीर्थे तस्मिन्यथाविधि |
  208. तमेव चिन्तयन्नर्थमुपावर्तत वै मुनिः || १९||
  209. भरद्वाजस्ततः शिष्यो विनीतः श्रुतवान्गुरोः |
  210. कलशं पूर्णमादाय पृष्ठतोऽनुजगाम ह || २०||
  211. स प्रविश्याश्रमपदं शिष्येण सह धर्मवित् |
  212. उपविष्टः कथाश्चान्याश्चकार ध्यानमास्थितः || २१||
  213. आजगाम ततो ब्रह्मा लोककर्ता स्वयम्प्रभुः |
  214. चतुर्मुखो महातेजा द्रष्टुं तं मुनिपुङ्गवम् || २२||
  215. वाल्मीकिरथ तं दृष्ट्वा सहसोत्थाय वाग्यतः |
  216. प्राञ्जलिः प्रयतो भूत्वा तस्थौ परमविस्मितः || २३||
  217. पूजयामास तं देवं पाद्यार्घ्यासनवन्दनैः |
  218. प्रणम्य विधिवच्चैनं पृष्ट्वानामयमव्ययम् || २४||
  219. अथोपविश्य भगवानासने परमार्चिते |
  220. वाल्मीकये महर्षये सन्दिदेशासनं ततः || २५||
  221. उपविष्टे तदा तस्मिन्साक्षाल्लोकपितामहे |
  222. तद्गतेनैव मनसा वाल्मीकिर्ध्यानमास्थितः || २६||
  223. पापात्मना कृतं कष्टं वैरग्रहणबुद्धिना |
  224. यस्तादृशं चारुरवं क्रौञ्चं हन्यादकारणात् || २७||
  225. शोचन्नेव मुहुः क्रौञ्चीमुपश्लोकमिमं पुनः |
  226. जगावन्तर्गतमना भूत्वा शोकपरायणः || २८||
  227. तमुवाच ततो ब्रह्मा प्रहसन्मुनिपुङ्गवम् |
  228. श्लोक एव त्वया बद्धो नात्र कार्या विचारणा || २९||
  229. मच्छन्दादेव ते ब्रह्मन्प्रवृत्तेयं सरस्वती |
  230. रामस्य चरितं कृत्स्नं कुरु त्वमृषिसत्तम || ३०||
  231. धर्मात्मनो गुणवतो लोके रामस्य धीमतः |
  232. वृत्तं कथय धीरस्य यथा ते नारदाच्छ्रुतम् || ३१||
  233. रहस्यं च प्रकाशं च यद्वृत्तं तस्य धीमतः |
  234. रामस्य सह सौमित्रे राक्षसानां च सर्वशः || ३२||
  235. वैदेह्याश्चैव यद्वृत्तं प्रकाशं यदि वा रहः |
  236. तच्चाप्यविदितं सर्वं विदितं ते भविष्यति || ३३||
  237. न ते वागनृता काव्ये का चिदत्र भविष्यति |
  238. कुरु राम कथां पुण्यां श्लोकबद्धां मनोरमाम् || ३४||
  239. यावत्स्थास्यन्ति गिरयः सरितश्च महीतले |
  240. तावद्रामायणकथा लोकेषु प्रचरिष्यति || ३५||
  241. यावद्रामस्य च कथा त्वत्कृता प्रचरिष्यति |
  242. तावदूर्ध्वमधश्च त्वं मल्लोकेषु निवत्स्यसि || ३६||
  243. इत्युक्त्वा भगवान्ब्रह्मा तत्रैवान्तरधीयत |
  244. ततः सशिष्यो वाल्मीकिर्मुनिर्विस्मयमाययौ || ३७||
  245. तस्य शिष्यास्ततः सर्वे जगुः श्लोकमिमं पुनः |
  246. मुहुर्मुहुः प्रीयमाणाः प्राहुश्च भृशविस्मिताः || ३८||
  247. समाक्षरैश्चतुर्भिर्यः पादैर्गीतो महर्षिणा |
  248. सोऽनुव्याहरणाद्भूयः शोकः श्लोकत्वमागतः || ३९||
  249. तस्य बुद्धिरियं जाता वाल्मीकेर्भावितात्मनः |
  250. कृत्स्नं रामायणं काव्यमीदृशैः करवाण्यहम् || ४०||
  251. उदारवृत्तार्थपदैर्मनोरमैस्
  252. तदास्य रामस्य चकार कीर्तिमान् |
  253. समाक्षरैः श्लोकशतैर्यशस्विनो
  254. यशस्करं काव्यमुदारधीर्मुनिः || ४१||
  255. || वाल्मीकि रामायण - बालकाण्ड ||
  256. || सर्ग ||
  257. ३
  258. श्रुत्वा वस्तु समग्रं तद्धर्मात्मा धर्मसंहितम् |
  259. व्यक्तमन्वेषते भूयो यद्वृत्तं तस्य धीमतः || १||
  260. उपस्पृश्योदकं संयन्मुनिः स्थित्वा कृताञ्जलिः |
  261. प्राचीनाग्रेषु दर्भेषु धर्मेणान्वेषते गतिम् || २||
  262. जन्म रामस्य सुमहद्वीर्यं सर्वानुकूलताम् |
  263. लोकस्य प्रियतां क्षान्तिं सौम्यतां सत्यशीलताम् || ३||
  264. नानाचित्राः कथाश्चान्या विश्वामित्रसहायने |
  265. जानक्याश्च विवाहं च धनुषश् च विभेदनम् || ४||
  266. रामरामविवादं च गुणान्दाशरथेस्तथा |
  267. तथाभिषेकं रामस्य कैकेय्या दुष्टभावताम् || ५||
  268. व्याघातं चाभिषेकस्य रामस्य च विवासनम् |
  269. राज्ञः शोकं विलापं च परलोकस्य चाश्रयम् || ६||
  270. प्रकृतीनां विषादं च प्रकृतीनां विसर्जनम् |
  271. निषादाधिपसंवादं सूतोपावर्तनं तथा || ७||
  272. गङ्गायाश्चाभिसन्तारं भरद्वाजस्य दर्शनम् |
  273. भरद्वाजाभ्यनुज्ञानाच्चित्रकूटस्य दर्शनम् || ८||
  274. वास्तुकर्मनिवेशं च भरतागमनं तथा |
  275. प्रसादनं च रामस्य पितुश्च सलिलक्रियाम् || ९||
  276. पादुकाग्र्याभिषेकं च नन्दिग्राम निवासनम् |
  277. दण्डकारण्यगमनं सुतीक्ष्णेन समागमम् || १०||
  278. अनसूयासमस्यां च अङ्गरागस्य चार्पणम् |
  279. शूर्पणख्याश्च संवादं विरूपकरणं तथा || ११||
  280. वधं खरत्रिशिरसोरुत्थानं रावणस्य च |
  281. मारीचस्य वधं चैव वैदेह्या हरणं तथा || १२||
  282. राघवस्य विलापं च गृध्रराजनिबर्हणम् |
  283. कबन्धदर्शनं चैव पम्पायाश्चापि दर्शनम् || १३||
  284. शर्बर्या दर्शनं चैव हनूमद्दर्शनं तथा |
  285. विलापं चैव पम्पायां राघवस्य महात्मनः || १४||
  286. ऋष्यमूकस्य गमनं सुग्रीवेण समागमम् |
  287. प्रत्ययोत्पादनं सख्यं वालिसुग्रीवविग्रहम् || १५||
  288. वालिप्रमथनं चैव सुग्रीवप्रतिपादनम् |
  289. ताराविलापसमयं वर्षरात्रिनिवासनम् || १६||
  290. कोपं राघवसिंहस्य बलानामुपसङ्ग्रहम् |
  291. दिशः प्रस्थापनं चैव पृथिव्याश् च निवेदनम् || १७||
  292. अङ्गुलीयकदानं च ऋक्षस्य बिलदर्शनम् |
  293. प्रायोपवेशनं चैव सम्पातेश्चापि दर्शनम् || १८||
  294. पर्वतारोहणं चैव सागरस्य च लङ्घनम् |
  295. रात्रौ लङ्काप्रवेशं च एकस्यापि विचिन्तनम् || १९||
  296. आपानभूमिगमनमवरोधस्य दर्शनम् |
  297. अशोकवनिकायानं सीतायाश्चापि दर्शनम् || २०||
  298. अभिज्ञानप्रदानं च सीतायाश्चापि भाषणम् |
  299. राक्षसीतर्जनं चैव त्रिजटास्वप्नदर्शनम् || २१||
  300. मणिप्रदानं सीताया वृक्षभङ्गं तथैव च |
  301. राक्षसीविद्रवं चैव किङ्कराणां निबर्हणम् || २२||
  302. ग्रहणं वायुसूनोश्च लङ्कादाहाभिगर्जनम् |
  303. प्रतिप्लवनमेवाथ मधूनां हरणं तथा || २३||
  304. राघवाश्वासनं चैव मणिनिर्यातनं तथा |
  305. सङ्गमं च समुद्रस्य नलसेतोश् च बन्धनम् || २४||
  306. प्रतारं च समुद्रस्य रात्रौ लङ्कावरोधनम् |
  307. विभीषणेन संसर्गं वधोपायनिवेदनम् || २५||
  308. कुम्भकर्णस्य निधनं मेघनादनिबर्हणम् |
  309. रावणस्य विनाशं च सीतावाप्तिमरेः पुरे || २६||
  310. बिभीषणाभिषेकं च पुष्पकस्य च दर्शनम् |
  311. अयोध्यायाश्च गमनं भरतेन समागमम् || २७||
  312. रामाभिषेकाभ्युदयं सर्वसैन्यविसर्जनम् |
  313. स्वराष्ट्ररञ्जनं चैव वैदेह्याश् च विसर्जनम् || २८||
  314. अनागतं च यत्किं चिद्रामस्य वसुधातले |
  315. तच्चकारोत्तरे काव्ये वाल्मीकिर्भगवानृषिः || २९||

ไทย-ทั่วไป(แบบปรับรูป)

  1. ๚ วาลมีกิ รามายะณะ - พาละกาณฑะ ๚
  2. ๚ สรรคะ ๚
  3. ๑
  4. ตะปะห์สวาธยายะนิระตัม ตะปัสวี วาควิทาม วะรัม ฯ
  5. นาระทัม ปะริปัปรัจฉะ วาลมีกิรมุนิปุงคะวัม ๚ ๑๚
  6. โก นวัสมินสามประตัม โลเก คุณะวานกัศจะ วีรยะวาน ฯ
  7. ธรรมัชญัศจะ กฤตัชญัศจะ สัตยะวากโย ทฤฒะวระตะห์ ๚ ๒๚
  8. จาริเตรณะ จะ โก ยุกตะห์ สรรวะภูเตษุ โก หิตะห์ ฯ
  9. วิทวานกะห์ กะห์ สะมรรถัศจะ กัศไจกะปริยะทรรศะนะห์ ๚ ๓๚
  10. อาตมะวานโก ชิตะโกรโธ มะติมานโก'นะสูยะกะห์ ฯ
  11. กัสยะ พิภยะติ เทวาศจะ ชาตะโรษัสยะ สัมยุเค ๚ ๔๚
  12. เอตะทิจฉามยะหัม โศรตุม ปะรัม เกาตูหะลัม หิ เม ฯ
  13. มะหรรเษ ตวัม สะมรรโถ'สิ ชญาตุเมวัมวิธัม นะรัม ๚ ๕๚
  14. ศรุตวา ไจตัตตริโลกัชโญ วาลมีเกรนาระโท วะจะห์ ฯ
  15. ศรูยะตามิติ จามันตรยะ ประหฤษโฏ วากยะมะพระวีต ๚ ๖๚
  16. พะหะโว ทุรละภาศไจวะ เย ตวะยา กีรติตา คุณาห์ ฯ
  17. มุเน วักษยามยะหัม พุทธวา ไตรยุกตะห์ ศรูยะตาม นะระห์ ๚ ๗๚
  18. อิกษวากุวัมศะประภะโว ราโม นามะ ชะไนห์ ศรุตะห์ ฯ
  19. นิยะตาตมา มะหาวีรโย ทยุติมานธฤติมานวะศี ๚ ๘๚
  20. พุทธิมานนีติมานวาคมี ศรีมาญศะตรุนิพรรหะณะห์ ฯ
  21. วิปุลามโส มะหาพาหุห์ กัมพุครีโว มะหาหะนุห์ ๚ ๙๚
  22. มะโหรัสโก มะเหษวาโส คูฒะชะตรุระรินทะมะห์ ฯ
  23. อาชานุพาหุห์ สุศิราห์ สุละลาฏะห์ สุวิกระมะห์ ๚ ๑๐๚
  24. สะมะห์ สะมะวิภักตางคะห์ สนิคธะวรรณะห์ ประตาปะวาน ฯ
  25. ปีนะวักษา วิศาลากโษ ลักษมีวาญศุภะลักษะณะห์ ๚ ๑๑๚
  26. ธรรมัชญะห์ สัตยะสันธัศจะ ประชานาม จะ หิเต ระตะห์ ฯ
  27. ยะศัสวี ชญานะสัมปันนะห์ ศุจิรวัศยะห์ สะมาธิมาน ๚ ๑๒๚
  28. รักษิตา ชีวะโลกัสยะ ธรรมัสยะ ปะริรักษิตา ฯ
  29. เวทะเวทางคะตัตตวัชโญ ธะนุรเวเท จะ นิษฐิตะห์ ๚ ๑๓๚
  30. สรรวะศาสตรารถะตัตตวัชโญ สมฤติมานประติภานะวาน ฯ
  31. สรรวะโลกะปริยะห์ สาธุระทีนาตมา วิจักษะณะห์ ๚ ๑๔๚
  32. สรรวะทาภิคะตะห์ สัทภิห์ สะมุทระ อิวะ สินธุภิห์ ฯ
  33. อารยะห์ สรรวะสะมัศไจวะ สะไทกะปริยะทรรศะนะห์ ๚ ๑๕๚
  34. สะ จะ สรรวะคุโณเปตะห์ เกาสัลยานันทะวรรธะนะห์ ฯ
  35. สะมุทระ อิวะ คามภีรเย ไธรเยณะ หิมะวานิวะ ๚ ๑๖๚
  36. วิษณุนา สะทฤโศ วีรเย โสมะวัตปริยะทรรศะนะห์ ฯ
  37. กาลาคนิสะทฤศะห์ โกรเธ กษะมะยา ปฤถิวีสะมะห์ ๚ ๑๗๚
  38. ธะนะเทนะ สะมัสตยาเค สัตเย ธรรมะ อิวาปะระห์ ฯ
  39. ตะเมวังคุณะสัมปันนัม รามัม สัตยะปะรากระมัม ๚ ๑๘๚
  40. ชเยษฐัม เศรษฐะคุไณรยุกตัม ปริยัม ทะศะระถะห์ สุตัม ฯ
  41. เยาวะราชเยนะ สัมโยกตุไมจฉัตปรีตยา มะหีปะติห์ ๚ ๑๙๚
  42. ตัสยาภิเษกะสัมภารานทฤษฏวา ภารยาถะ ไกกะยี ฯ
  43. ปูรวัม ทัตตะวะรา เทวี วะระเมนะมะยาจะตะ ฯ
  44. วิวาสะนัม จะ รามัสยะ ภะระตัสยาภิเษจะนัม ๚ ๒๐๚
  45. สะ สัตยะวะจะนาทราชา ธรรมะปาเศนะ สัมยะตะห์ ฯ
  46. วิวาสะยามาสะ สุตัม รามัม ทะศะระถะห์ ปริยัม ๚ ๒๑๚
  47. สะ ชะคามะ วะนัม วีระห์ ประติชญามะนุปาละยัน ฯ
  48. ปิตุรวะจะนะนิรเทศาตไกเกยยาห์ ปริยะการะณาต ๚ ๒๒๚
  49. ตัม วระชันตัม ปริโย ภราตา ลักษมะโณ'นุชะคามะ หะ ฯ
  50. สเนหาทวินะยะสัมปันนะห์ สุมิตรานันทะวรรธะนะห์ ๚ ๒๓๚
  51. สรรวะลักษะณะสัมปันนา นารีณามุตตะมา วะธูห์ ฯ
  52. สีตาปยะนุคะตา รามัม ศะศินัม โรหิณี ยะถา ๚ ๒๔๚
  53. เปาไรระนุคะโต ทูรัม ปิตรา ทะศะระเถนะ จะ ฯ
  54. ศฤงคะเวระปุเร สูตัม คังคากูเล วยะสรรชะยัต ๚ ๒๕๚
  55. เต วะเนนะ วะนัม คัตวา นะทีสตีรตวา พะหูทะกาห์ ฯ
  56. จิตระกูฏะมะนุปราปยะ ภะรัทวาชัสยะ ศาสะนาต ๚ ๒๖๚
  57. รัมยะมาวะสะถัม กฤตวา ระมะมาณา วะเน ตระยะห์ ฯ
  58. เทวะคันธรรวะสังกาศาสตะตระ เต นยะวะสันสุขัม ๚ ๒๗๚
  59. จิตระกูฏัม คะเต ราเม ปุตระโศกาตุรัสตะทา ฯ
  60. ราชา ทะศะระถะห์ สวรรคัม ชะคามะ วิละปันสุตัม ๚ ๒๘๚
  61. มฤเต ตุ ตัสมินภะระโต วะสิษฐะประมุไขรทวิไชห์ ฯ
  62. นิยุชยะมาโน ราชยายะ ไนจฉัทราชยัม มะหาพะละห์ ฯ
  63. สะ ชะคามะ วะนัม วีโร รามะปาทะประสาทะกะห์ ๚ ๒๙๚
  64. ปาทุเก จาสยะ ราชยายะ นยาสัม ทัตตวา ปุนะห์ ปุนะห์ ฯ
  65. นิวรรตะยามาสะ ตะโต ภะระตัม ภะระตาคระชะห์ ๚ ๓๐๚
  66. สะ กามะมะนะวาปไยวะ รามะปาทาวุปัสปฤศัน ฯ
  67. นันทิคราเม'กะโรทราชยัม รามาคะมะนะกางกษะยา ๚ ๓๑๚
  68. รามัสตุ ปุนะราลักษยะ นาคะรัสยะ ชะนัสยะ จะ ฯ
  69. ตะตราคะมะนะเมกาเคร ทัณฑะกานประวิเวศะ หะ ๚ ๓๒๚
  70. วิราธัม รากษะสัม หัตวา ศะระภังคัม ทะทรรศะ หะ ฯ
  71. สุตีกษณัม จาปยะคัสตยัม จะ อะคัสตยะ ภราตะรัม ตะถา ๚ ๓๓๚
  72. อะคัสตยะวะจะนาจไจวะ ชะคราไหนทรัม ศะราสะนัม ฯ
  73. ขัฑคัม จะ ปะระมะปรีตัสตูณี จากษะยะสายะเกา ๚ ๓๔๚
  74. วะสะตัสตัสยะ รามัสยะ วะเน วะนะจะไรห์ สะหะ ฯ
  75. ฤษะโย'ภยาคะมันสรรเว วะธายาสุระรักษะสาม ๚ ๓๕๚
  76. เตนะ ตะไตรวะ วะสะตา ชะนัสถานะนิวาสินี ฯ
  77. วิรูปิตา ศูรปะณะขา รากษะสี กามะรูปิณี ๚ ๓๖๚
  78. ตะตะห์ ศูรปะณะขาวากยาทุทยุกตานสรรวะรากษะสาน ฯ
  79. ขะรัม ตริศิระสัม ไจวะ ทูษะณัม ไจวะ รากษะสัม ๚ ๓๗๚
  80. นิชะฆานะ ระเณ รามัสเตษาม ไจวะ ปะทานุคาน ฯ
  81. รักษะสาม นิหะตานยาสันสะหะสราณิ จะตุรทะศะ ๚ ๓๘๚
  82. ตะโต ชญาติวะธัม ศรุตวา ราวะณะห์ โกรธะมูรฉิตะห์ ฯ
  83. สะหายัม วะระยามาสะ มารีจัม นามะ รากษะสัม ๚ ๓๙๚
  84. วารยะมาณะห์ สุพะหุโศ มารีเจนะ สะ ราวะณะห์ ฯ
  85. นะ วิโรโธ พะละวะตา กษะโม ราวะณะ เตนะ เต ๚ ๔๐๚
  86. อะนาทฤตยะ ตุ ตัทวากยัม ราวะณะห์ กาละโจทิตะห์ ฯ
  87. ชะคามะ สะหะมะรีจัสตัสยาศระมะปะทัม ตะทา ๚ ๔๑๚
  88. เตนะ มายาวินา ทูระมะปะวาหยะ นฤปาตมะเชา ฯ
  89. ชะหาระ ภารยาม รามัสยะ คฤธรัม หัตวา ชะฏายุษัม ๚ ๔๒๚
  90. คฤธรัม จะ นิหะตัม ทฤษฏวา หฤตาม ศรุตวา จะ ไมถิลีม ฯ
  91. ราฆะวะห์ โศกะสันตัปโต วิละลาปากุเลนทริยะห์ ๚ ๔๓๚
  92. ตะตัสเตไนวะ โศเกนะ คฤธรัม ทัคธวา ชะฏายุษัม ฯ
  93. มารคะมาโณ วะเน สีตาม รากษะสัม สันทะทรรศะ หะ ๚ ๔๔๚
  94. กะพันธัม นามะ รูเปณะ วิกฤตัม โฆระทรรศะนัม ฯ
  95. ตัม นิหัตยะ มะหาพาหุรทะทาหะ สวรรคะตัศจะ สะห์ ๚ ๔๕๚
  96. สะ จาสยะ กะถะยามาสะ ศะพะรีม ธรรมะจาริณีม ฯ
  97. ศระมะณีม ธรรมะนิปุณามะภิคัจเฉติ ราฆะวะ ฯ
  98. โส'ภยะคัจฉันมะหาเตชาห์ ศะพะรีม ศะตรุสูทะนะห์ ๚ ๔๖๚
  99. ศะพรรยา ปูชิตะห์ สัมยะคราโม ทะศะระถาตมะชะห์ ฯ
  100. ปัมปาตีเร หะนุมะตา สังคะโต วานะเรณะ หะ ๚ ๔๗๚
  101. หะนุมัทวะจะนาจไจวะ สุครีเวณะ สะมาคะตะห์ ฯ
  102. สุครีวายะ จะ ตัตสรรวะม ศัมสะทราโม มะหาพะละห์ ๚ ๔๘๚
  103. ตะโต วานะระราเชนะ ไวรานุกะถะนัม ประติ ฯ
  104. รามายาเวทิตัม สรรวะม ประณะยาททุห์ขิเตนะ จะ ฯ
  105. วาลินัศจะ พะลัม ตะตระ กะถะยามาสะ วานะระห์ ๚ ๔๙๚
  106. ประติชญาตัม จะ ราเมณะ ตะทา วาลิวะธัม ประติ ฯ
  107. สุครีวะห์ ศังกิตัศจาสีนนิตยัม วีรเยณะ ราฆะเว ๚ ๕๐๚
  108. ราฆะวะห์ ปรัตยะยารถัม ตุ ทุนทุเภห์ กายะมุตตะมัม ฯ
  109. ปาทางคุษเฐนะ จิกเษปะ สัมปูรณัม ทะศะโยชะนัม ๚ ๕๑๚
  110. พิเภทะ จะ ปุนะห์ สาลานสัปไตเกนะ มะเหษุณา ฯ
  111. คิริม ระสาตะลัม ไจวะ ชะนะยันปรัตยะยัม ตะทา ๚ ๕๒๚
  112. ตะตะห์ ปรีตะมะนาสเตนะ วิศวัสตะห์ สะ มะหากะปิห์ ฯ
  113. กิษกินธาม รามะสะหิโต ชะคามะ จะ คุหาม ตะทา ๚ ๕๓๚
  114. ตะโต'ครรชัทธะริวะระห์ สุครีโว เหมะปิงคะละห์ ฯ
  115. เตนะ นาเทนะ มะหะตา นิรชะคามะ หะรีศวะระห์ ๚ ๕๔๚
  116. ตะตะห์ สุครีวะวะจะนาทธัตวา วาลินะมาหะเว ฯ
  117. สุครีวะเมวะ ตัทราชเย ราฆะวะห์ ปรัตยะปาทะยัต ๚ ๕๕๚
  118. สะ จะ สรรวานสะมานียะ วานะรานวานะรรรษะภะห์ ฯ
  119. ทิศะห์ ปรัสถาปะยามาสะ ทิทฤกษุรชะนะกาตมะชาม ๚ ๕๖๚
  120. ตะโต คฤธรัสยะ วะจะนาตสัมปาเตรหะนุมานพะลี ฯ
  121. ศะตะโยชะนะวิสตีรณัม ปุปลุเว ละวะณารณะวัม ๚ ๕๗๚
  122. ตะตระ ลังกาม สะมาสาทยะ ปุรีม ราวะณะปาลิตาม ฯ
  123. ทะทรรศะ สีตาม ธยายันตีมะโศกะวะนิกาม คะตาม ๚ ๕๘๚
  124. นิเวทะยิตวาภิชญานัม ประวฤตติม จะ นิเวทยะ จะ ฯ
  125. สะมาศวาสยะ จะ ไวเทหีม มรรทะยามาสะ โตระณัม ๚ ๕๙๚
  126. ปัญจะ เสนาคระคานหัตวา สัปตะ มันตริสุตานะปิ ฯ
  127. ศูระมักษัม จะ นิษปิษยะ คระหะณัม สะมุปาคะมัต ๚ ๖๐๚
  128. อัสเตรโณนมุหะมาตมานัม ชญาตวา ไปตามะหาทวะราต ฯ
  129. มรรษะยันรากษะสานวีโร ยันตริณัสตานยะทฤจฉะยา ๚ ๖๑๚
  130. ตะโต ทัคธวา ปุรีม ลังกามฤเต สีตาม จะ ไมถิลีม ฯ
  131. รามายะ ปริยะมาขยาตุม ปุนะรายานมะหากะปิห์ ๚ ๖๒๚
  132. โส'ภิคัมยะ มะหาตมานัม กฤตวา รามัม ประทักษิณัม ฯ
  133. นยะเวทะยะทะเมยาตมา ทฤษฏา สีเตติ ตัตตวะตะห์ ๚ ๖๓๚
  134. ตะตะห์ สุครีวะสะหิโต คัตวา ตีรัม มะโหทะเธห์ ฯ
  135. สะมุทรัม กโษภะยามาสะ ศะไรราทิตยะสันนิไภห์ ๚ ๖๔๚
  136. ทรรศะยามาสะ จาตมานัม สะมุทระห์ สะริตาม ปะติห์ ฯ
  137. สะมุทระวะจะนาจไจวะ นะลัม เสตุมะการะยัต ๚ ๖๕๚
  138. เตนะ คัตวา ปุรีม ลังกาม หัตวา ราวะณะมาหะเว ฯ
  139. อัภยะษิญจัตสะ ลังกายาม รากษะเสนทรัม วิภีษะณัม ๚ ๖๖๚
  140. กรรมะณา เตนะ มะหะตา ไตรโลกยัม สะจะราจะรัม ฯ
  141. สะเทวรรษิคะณัม ตุษฏัม ราฆะวัสยะ มะหาตมะนะห์ ๚ ๖๗๚
  142. ตะถา ปะระมะสันตุษไฏห์ ปูชิตะห์ สรรวะไทวะไตห์ ฯ
  143. กฤตะกฤตยัสตะทา ราโม วิชวะระห์ ประมุโมทะ หะ ๚ ๖๘๚
  144. เทวะตาภโย วะรานปราปยะ สะมุตถาปยะ จะ วานะราน ฯ
  145. ปุษปะกัม ตัตสะมารุหยะ นันทิครามัม ยะเยา ตะทา ๚ ๖๙๚
  146. นันทิคราเม ชะฏาม หิตวา ภราตฤภิห์ สะหิโต'นะฆะห์ ฯ
  147. รามะห์ สีตามะนุปราปยะ ราชยัม ปุนะระวาปตะวาน ๚ ๗๐๚
  148. ประหฤษฏะมุทิโต โลกัสตุษฏะห์ ปุษฏะห์ สุธารมิกะห์ ฯ
  149. นิรายะโม อะโรคัศจะ ทุรภิกษะภะยะวรรชิตะห์ ๚ ๗๑๚
  150. นะ ปุตระมะระณัม เก จิททรักษยันติ ปุรุษาห์ กวะ จิต ฯ
  151. นารยัศจาวิธะวา นิตยัม ภะวิษยันติ ปะติวระตาห์ ๚ ๗๒๚
  152. นะ วาตะชัม ภะยัม กิม จินนาปสุ มัชชันติ ชันตะวะห์ ฯ
  153. นะ จาคริชัม ภะยัม กิม จิทยะถา กฤตะยุเค ตะถา ๚ ๗๓๚
  154. อัศวะเมธะศะไตริษฏวา ตะถา พะหุสุวรรณะไกห์ ฯ
  155. คะวาม โกฏยะยุตัม ทัตตวา วิทวัทภโย วิธิปูรวะกัม ๚ ๗๔๚
  156. ราชะวัมศาญศะตะคุณานสถาปะยิษยะติ ราฆะวะห์ ฯ
  157. จาตุรวรรณยัม จะ โลเก'สมินสเว สเว ธรรเม นิโยกษยะติ ๚ ๗๕๚
  158. ทะศะวรรษะสะหะสราณิ ทะศะวรรษะศะตานิ จะ ฯ
  159. ราโม ราชยะมุปาสิตวา พรหมะโลกัม คะมิษยะติ ๚ ๗๖๚
  160. อิทัม ปะวิตรัม ปาปัฆนัม ปุณยัม เวไทศจะ สัมมิตัม ฯ
  161. ยะห์ ปะเฐทรามะจะริตัม สรรวะปาไปห์ ประมุจยะเต ๚ ๗๗๚
  162. เอตะทาขยานะมายุษยัม ปะฐะนรามายะณัม นะระห์ ฯ
  163. สะปุตระเปาตระห์ สะคะณะห์ เปรตยะ สวรรเค มะหียะเต ๚ ๗๘๚
  164. ปะฐันทวิโช วาคฤษะภัตวะมียาต
  165. สยาตกษะตริโย ภูมิปะติตวะมียาต ฯ
  166. วะณิคชะนะห์ ปัณยะผะลัตวะมียาช
  167. ชะนัศจะ ศูโทร'ปิ มะหัตตวะมียาต ๚ ๗๙๚
  168. ๚ วาลมีกิ รามายะณะ - พาละกาณฑะ ๚
  169. ๚ สรรคะ ๚
  170. ๒
  171. นาระทัสยะ ตุ ตัทวากยัม ศรุตวา วากยะวิศาระทะห์ ฯ
  172. ปูชะยามาสะ ธรรมาตมา สะหะศิษโย มะหามุนิห์ ๚ ๑๚
  173. ยะถาวัตปูชิตัสเตนะ เทวรรษิรนาระทัสตะทา ฯ
  174. อาปฤษฏไววาภยะนุชญาตะห์ สะ ชะคามะ วิหายะสัม ๚ ๒๚
  175. สะ มุหูตัม คะเต ตัสมินเทวะโลกัม มุนิสตะทา ฯ
  176. ชะคามะ ตะมะสาตีรัม ชาหนะวยาสตวะวิทูระตะห์ ๚ ๓๚
  177. สะ ตุ ตีรัม สะมาสาทยะ ตะมะสายา มะหามุนิห์ ฯ
  178. ศิษยะมาหะ สถิตัม ปารศเว ทฤษฏวา ตีรถะมะกรรทะมัม ๚ ๔๚
  179. อะกรรทะมะมิทัม ตีรถัม ภะรัทวาชะ นิศามะยะ ฯ
  180. ระมะณียัม ประสันนามพุ สันมะนุษยะมะโน ยะถา ๚ ๕๚
  181. นยัสยะตาม กะละศัสตาตะ ทียะตาม วัลกะลัม มะมะ ฯ
  182. อิทะเมวาวะคาหิษเย ตะมะสาตีรถะมุตตะมัม ๚ ๖๚
  183. เอวะมุกโต ภะรัทวาโช วาลมีเกนะ มะหาตมะนา ฯ
  184. ปรายัจฉะตะ มุเนสตัสยะ วัลกะลัม นิยะโต คุโรห์ ๚ ๗๚
  185. สะ ศิษยะหัสตาทาทายะ วัลกะลัม นิยะเตนทริยะห์ ฯ
  186. วิจะจาระ หะ ปัศยัมสตัตสรรวะโต วิปุลัม วะนัม ๚ ๘๚
  187. ตัสยาภยาเศ ตุ มิถุนัม จะรันตะมะนะปายินัม ฯ
  188. ทะทรรศะ ภะคะวามสตะตระ เกราญจะโยศจารุนิห์สวะนัม ๚ ๙๚
  189. ตัสมาตตุ มิถุนาเทกัม ปุมามสัม ปาปะนิศจะยะห์ ฯ
  190. ชะฆานะ ไวระนิละโย นิษาทัสตัสยะ ปัศยะตะห์ ๚ ๑๐๚
  191. ตัม โศณิตะปะรีตางคัม เวษฏะมานัม มะหีตะเล ฯ
  192. ภารยา ตุ นิหะตัม ทฤษฏวา รุราวะ กะรุณาม คิรัม ๚ ๑๑๚
  193. ตะถา ตุ ตัม ทวิชัม ทฤษฏวา นิษาเทนะ นิปาติตัม ฯ
  194. ฤเษรธรรมาตมะนัสตัสยะ การุณยัม สะมะปัทยะตะ ๚ ๑๒๚
  195. ตะตะห์ กะรุณะเวทิตวาทะธรรโม'ยะมิติ ทวิชะห์ ฯ
  196. นิศามยะ รุทะตีม เกราญจีมิทัม วะจะนะมะพระวีต ๚ ๑๓๚
  197. มา นิษาทะ ประติษฐาม ตวะมะคะมะห์ ศาศวะตีม สะมาห์ ฯ
  198. ยัตเกราญจะมิถุนาเทกะมะวะธีห์ กามะโมหิตัม ๚ ๑๔๚
  199. ตัสไยวัม พรุวะตัศจินตา พะภูวะ หฤทิ วีกษะตะห์ ฯ
  200. โศการเตนาสยะ ศะกุเนห์ กิมิทัม วยาหฤตัม มะยา ๚ ๑๕๚
  201. จินตะยันสะ มะหาปราชญัศจะการะ มะติมานมะติม ฯ
  202. ศิษยัม ไจวาพระวีทวากยะมิทัม สะ มุนิปุงคะวะห์ ๚ ๑๖๚
  203. ปาทะพัทโธ'กษะระสะมัสตันตรีละยะสะมันวิตะห์ ฯ
  204. โศการตัสยะ ประวฤตโต เม ศโลโก ภะวะตุ นานยะถา ๚ ๑๗๚
  205. ศิษยัสตุ ตัสยะ พรุวะโต มุเนรวากยะมะนุตตะมัม ฯ
  206. ประติชะคราหะ สัมหฤษฏัสตัสยะ ตุษโฏ'ภะวัทคุรุห์ ๚ ๑๘๚
  207. โส'ภิเษกัม ตะตะห์ กฤตวา ตีรเถ ตัสมินยะถาวิธิ ฯ
  208. ตะเมวะ จินตะยันนรรถะมุปาวรรตะตะ ไว มุนิห์ ๚ ๑๙๚
  209. ภะรัทวาชัสตะตะห์ ศิษโย วินีตะห์ ศรุตะวานคุโรห์ ฯ
  210. กะละศัม ปูรณะมาทายะ ปฤษฐะโต'นุชะคามะ หะ ๚ ๒๐๚
  211. สะ ประวิศยาศระมะปะทัม ศิษเยณะ สะหะ ธรรมะวิต ฯ
  212. อุปะวิษฏะห์ กะถาศจานยาศจะการะ ธยานะมาสถิตะห์ ๚ ๒๑๚
  213. อาชะคามะ ตะโต พรหมา โลกะกรรตา สวะยัมประภุห์ ฯ
  214. จะตุรมุโข มะหาเตชา ทรัษฏุม ตัม มุนิปุงคะวัม ๚ ๒๒๚
  215. วาลมีกิระถะ ตัม ทฤษฏวา สะหะโสตถายะ วาคยะตะห์ ฯ
  216. ปราญชะลิห์ ประยะโต ภูตวา ตัสเถา ปะระมะวิสมิตะห์ ๚ ๒๓๚
  217. ปูชะยามาสะ ตัม เทวัม ปาทยารฆยาสะนะวันทะไนห์ ฯ
  218. ประณัมยะ วิธิวัจไจนัม ปฤษฏวานามะยะมะวยะยัม ๚ ๒๔๚
  219. อะโถปะวิศยะ ภะคะวานาสะเน ปะระมารจิเต ฯ
  220. วาลมีกะเย มะหรรษะเย สันทิเทศาสะนัม ตะตะห์ ๚ ๒๕๚
  221. อุปะวิษเฏ ตะทา ตัสมินสากษาลโลกะปิตามะเห ฯ
  222. ตัทคะเตไนวะ มะนะสา วาลมีกิรธยานะมาสถิตะห์ ๚ ๒๖๚
  223. ปาปาตมะนา กฤตัม กัษฏัม ไวระคระหะณะพุทธินา ฯ
  224. ยัสตาทฤศัม จารุระวัม เกราญจัม หันยาทะการะณาต ๚ ๒๗๚
  225. โศจันเนวะ มุหุห์ เกราญจีมุปัศโลกะมิมัม ปุนะห์ ฯ
  226. ชะคาวันตรรคะตะมะนา ภูตวา โศกะปะรายะณะห์ ๚ ๒๘๚
  227. ตะมุวาจะ ตะโต พรหมา ประหะสันมุนิปุงคะวัม ฯ
  228. ศโลกะ เอวะ ตวะยา พัทโธ นาตระ การยา วิจาระณา ๚ ๒๙๚
  229. มัจฉันทาเทวะ เต พรหมันประวฤตเตยัม สะรัสวะตี ฯ
  230. รามัสยะ จะริตัม กฤตสนัม กุรุ ตวะมฤษิสัตตะมะ ๚ ๓๐๚
  231. ธรรมาตมะโน คุณะวะโต โลเก รามัสยะ ธีมะตะห์ ฯ
  232. วฤตตัม กะถะยะ ธีรัสยะ ยะถา เต นาระทาจฉรุตัม ๚ ๓๑๚
  233. ระหัสยัม จะ ประกาศัม จะ ยัทวฤตตัม ตัสยะ ธีมะตะห์ ฯ
  234. รามัสยะ สะหะ เสามิเตร รากษะสานาม จะ สรรวะศะห์ ๚ ๓๒๚
  235. ไวเทหยาศไจวะ ยัทวฤตตัม ประกาศัม ยะทิ วา ระหะห์ ฯ
  236. ตัจจาปยะวิทิตัม สรรวะม วิทิตัม เต ภะวิษยะติ ๚ ๓๓๚
  237. นะ เต วาคะนฤตา กาวเย กา จิทะตระ ภะวิษยะติ ฯ
  238. กุรุ รามะ กะถาม ปุณยาม ศโลกะพัทธาม มะโนระมาม ๚ ๓๔๚
  239. ยาวัตสถาสยันติ คิระยะห์ สะริตัศจะ มะหีตะเล ฯ
  240. ตาวะทรามายะณะกะถา โลเกษุ ประจะริษยะติ ๚ ๓๕๚
  241. ยาวะทรามัสยะ จะ กะถา ตวัตกฤตา ประจะริษยะติ ฯ
  242. ตาวะทูรธวะมะธัศจะ ตวัม มัลโลเกษุ นิวัตสยะสิ ๚ ๓๖๚
  243. อิตยุกตวา ภะคะวานพรหมา ตะไตรวานตะระธียะตะ ฯ
  244. ตะตะห์ สะศิษโย วาลมีกิรมุนิรวิสมะยะมายะเยา ๚ ๓๗๚
  245. ตัสยะ ศิษยาสตะตะห์ สรรเว ชะคุห์ ศโลกะมิมัม ปุนะห์ ฯ
  246. มุหุรมุหุห์ ปรียะมาณาห์ ปราหุศจะ ภฤศะวิสมิตาห์ ๚ ๓๘๚
  247. สะมากษะไรศจะตุรภิรยะห์ ปาไทรคีโต มะหรรษิณา ฯ
  248. โส'นุวยาหะระณาทภูยะห์ โศกะห์ ศโลกัตวะมาคะตะห์ ๚ ๓๙๚
  249. ตัสยะ พุทธิริยัม ชาตา วาลมีเกรภาวิตาตมะนะห์ ฯ
  250. กฤตสนัม รามายะณัม กาวยะมีทฤไศห์ กะระวาณยะหัม ๚ ๔๐๚
  251. อุทาระวฤตตารถะปะไทรมะโนระไมส
  252. ตะทาสยะ รามัสยะ จะการะ กีรติมาน ฯ
  253. สะมากษะไรห์ ศโลกะศะไตรยะศัสวิโน
  254. ยะศัสกะรัม กาวยะมุทาระธีรมุนิห์ ๚ ๔๑๚
  255. ๚ วาลมีกิ รามายะณะ - พาละกาณฑะ ๚
  256. ๚ สรรคะ ๚
  257. ๓
  258. ศรุตวา วัสตุ สะมะครัม ตัทธรรมาตมา ธรรมะสัมหิตัม ฯ
  259. วยักตะมันเวษะเต ภูโย ยัทวฤตตัม ตัสยะ ธีมะตะห์ ๚ ๑๚
  260. อุปัสปฤศโยทะกัม สัมยันมุนิห์ สถิตวา กฤตาญชะลิห์ ฯ
  261. ปราจีนาเครษุ ทรรเภษุ ธรรเมณานเวษะเต คะติม ๚ ๒๚
  262. ชันมะ รามัสยะ สุมะหัทวีรยัม สรรวานุกูละตาม ฯ
  263. โลกัสยะ ปริยะตาม กษานติม เสามยะตาม สัตยะศีละตาม ๚ ๓๚
  264. นานาจิตราห์ กะถาศจานยา วิศวามิตระสะหายะเน ฯ
  265. ชานักยาศจะ วิวาหัม จะ ธะนุษัศ จะ วิเภทะนัม ๚ ๔๚
  266. รามะรามะวิวาทัม จะ คุณานทาศะระเถสตะถา ฯ
  267. ตะถาภิเษกัม รามัสยะ ไกเกยยา ทุษฏะภาวะตาม ๚ ๕๚
  268. วยาฆาตัม จาภิเษกัสยะ รามัสยะ จะ วิวาสะนัม ฯ
  269. ราชญะห์ โศกัม วิลาปัม จะ ปะระโลกัสยะ จาศระยัม ๚ ๖๚
  270. ประกฤตีนาม วิษาทัม จะ ประกฤตีนาม วิสรรชะนัม ฯ
  271. นิษาทาธิปะสัมวาทัม สูโตปาวรรตะนัม ตะถา ๚ ๗๚
  272. คังคายาศจาภิสันตารัม ภะรัทวาชัสยะ ทรรศะนัม ฯ
  273. ภะรัทวาชาภยะนุชญานาจจิตระกูฏัสยะ ทรรศะนัม ๚ ๘๚
  274. วาสตุกรรมะนิเวศัม จะ ภะระตาคะมะนัม ตะถา ฯ
  275. ประสาทะนัม จะ รามัสยะ ปิตุศจะ สะลิละกริยาม ๚ ๙๚
  276. ปาทุกาครยาภิเษกัม จะ นันทิครามะ นิวาสะนัม ฯ
  277. ทัณฑะการัณยะคะมะนัม สุตีกษเณนะ สะมาคะมัม ๚ ๑๐๚
  278. อะนะสูยาสะมัสยาม จะ อังคะราคัสยะ จารปะณัม ฯ
  279. ศูรปะณัขยาศจะ สัมวาทัม วิรูปะกะระณัม ตะถา ๚ ๑๑๚
  280. วะธัม ขะระตริศิระโสรุตถานัม ราวะณัสยะ จะ ฯ
  281. มารีจัสยะ วะธัม ไจวะ ไวเทหยา หะระณัม ตะถา ๚ ๑๒๚
  282. ราฆะวัสยะ วิลาปัม จะ คฤธระราชะนิพรรหะณัม ฯ
  283. กะพันธะทรรศะนัม ไจวะ ปัมปายาศจาปิ ทรรศะนัม ๚ ๑๓๚
  284. ศรรพรรยา ทรรศะนัม ไจวะ หะนูมัททรรศะนัม ตะถา ฯ
  285. วิลาปัม ไจวะ ปัมปายาม ราฆะวัสยะ มะหาตมะนะห์ ๚ ๑๔๚
  286. ฤษยะมูกัสยะ คะมะนัม สุครีเวณะ สะมาคะมัม ฯ
  287. ปรัตยะโยตปาทะนัม สัขยัม วาลิสุครีวะวิคระหัม ๚ ๑๕๚
  288. วาลิประมะถะนัม ไจวะ สุครีวะประติปาทะนัม ฯ
  289. ตาราวิลาปะสะมะยัม วรรษะราตรินิวาสะนัม ๚ ๑๖๚
  290. โกปัม ราฆะวะสิมหัสยะ พะลานามุปะสังคระหัม ฯ
  291. ทิศะห์ ปรัสถาปะนัม ไจวะ ปฤถิวยาศ จะ นิเวทะนัม ๚ ๑๗๚
  292. อังคุลียะกะทานัม จะ ฤกษัสยะ พิละทรรศะนัม ฯ
  293. ปราโยปะเวศะนัม ไจวะ สัมปาเตศจาปิ ทรรศะนัม ๚ ๑๘๚
  294. ปรรวะตาโรหะณัม ไจวะ สาคะรัสยะ จะ ลังฆะนัม ฯ
  295. ราเตรา ลังกาประเวศัม จะ เอกัสยาปิ วิจินตะนัม ๚ ๑๙๚
  296. อาปานะภูมิคะมะนะมะวะโรธัสยะ ทรรศะนัม ฯ
  297. อะโศกะวะนิกายานัม สีตายาศจาปิ ทรรศะนัม ๚ ๒๐๚
  298. อะภิชญานะประทานัม จะ สีตายาศจาปิ ภาษะณัม ฯ
  299. รากษะสีตรรชะนัม ไจวะ ตริชะฏาสวัปนะทรรศะนัม ๚ ๒๑๚
  300. มะณิประทานัม สีตายา วฤกษะภังคัม ตะไถวะ จะ ฯ
  301. รากษะสีวิทระวัม ไจวะ กิงกะราณาม นิพรรหะณัม ๚ ๒๒๚
  302. คระหะณัม วายุสูโนศจะ ลังกาทาหาภิครรชะนัม ฯ
  303. ประติปละวะนะเมวาถะ มะธูนาม หะระณัม ตะถา ๚ ๒๓๚
  304. ราฆะวาศวาสะนัม ไจวะ มะณินิรยาตะนัม ตะถา ฯ
  305. สังคะมัม จะ สะมุทรัสยะ นะละเสโตศ จะ พันธะนัม ๚ ๒๔๚
  306. ประตารัม จะ สะมุทรัสยะ ราเตรา ลังกาวะโรธะนัม ฯ
  307. วิภีษะเณนะ สัมสรรคัม วะโธปายะนิเวทะนัม ๚ ๒๕๚
  308. กุมภะกรรณัสยะ นิธะนัม เมฆะนาทะนิพรรหะณัม ฯ
  309. ราวะณัสยะ วินาศัม จะ สีตาวาปติมะเรห์ ปุเร ๚ ๒๖๚
  310. พิภีษะณาภิเษกัม จะ ปุษปะกัสยะ จะ ทรรศะนัม ฯ
  311. อะโยธยายาศจะ คะมะนัม ภะระเตนะ สะมาคะมัม ๚ ๒๗๚
  312. รามาภิเษกาภยุทะยัม สรรวะไสนยะวิสรรชะนัม ฯ
  313. สวะราษฏระรัญชะนัม ไจวะ ไวเทหยาศ จะ วิสรรชะนัม ๚ ๒๘๚
  314. อะนาคะตัม จะ ยัตกิม จิทรามัสยะ วะสุธาตะเล ฯ
  315. ตัจจะกาโรตตะเร กาวเย วาลมีกิรภะคะวานฤษิห์ ๚ ๒๙๚

Thai - Sanscritp เป็นผลงานของมหาวิทยาลัยเทคโนโลยีพระจอมเกล้าธนบุรี จัดทำโดย ธนกฤต พรหมศิริ

เป็นซอฟต์แวร์โอเพนซอร์ซ รหัสโปรแกรม อนุญาตให้ใช้ได้ตาม สัญญาอนุญาตของครีเอทีฟคอมมอนส์แบบ แสดงที่มา-ไม่ใช้เพื่อการค้า-อนุญาตแบบเดียวกัน 4.0 International Base on learnsanskrit.org/tools/sanscript & virtualvinodh.com/aksharamukha